Wednesday, August 23, 2006

a new poem by Dalia Ziada, about love this time


Hi for all! By the way this is my photo in my office in HRInfo (The Arabic Network for Human Rights Information). It is an amazing place and I love working there. Now I refer to myself as a human rights activist. OK. OK. This is not the proper time for this. I won't talk about human rights or politics now. I just want to talk about love; the weird feelings that go through our body without any pre-cautions. Read my poem and I am sure you will like it:

  عارف لما الشوق يتحكم 
و القلب العاشق يستسلم 
عارف لما الفكر يتوه 
لحظة شوق و حنين مجنون 
عارف معنى إنك تتألم 
لما حبيبك يبعد عنك ليلة بطولها 
و أنت بتحلم لحظة تشوفه 
تحكي له و تشكي و تتظلم 
و الأيام تهرب من أيدك 
و أنت مكانك لسه بتحلم 
عارف معني الشوق يا حبيبي 
طبعا عارف , ما أنت حبيبي 
عارف إني بحبك موت 
عارف إني بخاف م البعد 
عارف إنك قاسي عليه 
عارف إنك أغلى ما ليه 
و إننا مهما يكون في الكون إحنا لبعض 
عارف ليه؟ 
علشان لما الشوق يتحكم
 و القلب العاشق يستسلم 
أحلى رسول بيكون الورد 
و مع الورد بعت رسالتي و بوسه كبيرة 
قد هوانا و قد الوعد 
بوسة تدوب تلج البعد 
بوسة و مكسوفة من الناس 
خبيتها ف أحضان الورد 
أصلي ساعات بنسى أزاي ممكن أتكلم 
عارف إمتى؟ 
لحظة لما الشوق يتحكم و القلب العاشق يستسلم 

Tuesday, August 15, 2006

ميجانا و يا ميجانا .. أحدث قصائد أحمد فؤاد نجم للبنان





Yes, Believe it or not! At last Ahmed Fouad Negm is writing again. His latest poem is entitled "Migana ya Migana". It is dedicated to Hassan Nassrallah of Hizbullah.

Enjoy it and when the blog allows me to add photos, I will add a photo for Negm


ميجانا و يا ميجانا

يا حفيد سيدنا و مولانا

عشاقك و العشق عباده

على إسمك غزلوا السجادة

نصر الله و النصر إرادة

ما تفرط أبدا في أمانة

ميجانا و يا ميجانا

يا اسمر يا عود الزانة

يابو هادي يا شمس الدين

يا مطمن قلب الخايفين

كان جدك سند المساكين

و اختارك مسكين ويانا

ميجانا و يا ميجانا

يا اسمر يا عود الزانة

يا فارس على كل زمان

يا عربي القلب يا إنسان

يا سليل النور و الإيمان

يا حفيد سيدنا و مولانا

ميجانا و يا ميجانا

يا حفيد سيدنا و مولانا



14/8/2006 أحمد فؤاد نجم




I think you liked it.






Saturday, August 05, 2006

إحنا اخوات .. قصيدة جديدة من داليا زيادة



OOOOOOOOOOOOh

At last I have time to blog this. Here below, you are going to read my new poem in Arabic Lebanese and Egyptian slangs (i.e. a mixture of both dialects). It is about the lost sense of brotherhood between Arab nations. Arab nations used to be a whole body once. I am just trying to remind them with this brotherhood. The poem is entitled "Ehna Ekhwat" meaning in English"We are Brothers". Now read it and enjoy it


إحنا أخوات


أنا بدي احكي لك سر خطير

اسمعني و ركز في كلامي

كفيانا سكات

أنا بعد البحث سنين و سنين

لقيتنا يا صاحبي

أنا و أنت أخوات!

لو أول مرة بتشوفني

هتلاقي شبهنا أكيد واحد

هل يكفيك هذا كإثبات؟

لا ما يكفيك؟!

طيب خليني أثبت اكتر

ركز .. حاول .. يمكن تفهم أو تتأثر

أنا عندي لسان ناطق بالعربي

و أنت كمان مثلي يا أستاذ

أنا وطني و وطنك كان أكبر

من عند خليج أزرق صافي

و لحد محيط

هل كده ممتاز؟

لا مش ممتاز!!

طيب خليني أقولك سر

سر كمان و ما تتعبنيش

أنا أرضي وسيعة تساع ملايين

و هي الأرض اللي عليها

أنا و أنت و باقي الأخوات

كنا في مرة زمان عايشين

و بعد مداولة و قلبة راس

أخدوا قرار :

قالوا نقسم أرضي الواسعة

عملوا مكان سموه لبنان

و عملوا مساحه لمصر كمان

ثم مكان سموه فلسطين

عملوا ألف مكان و مكان,

ناس مجانين!

ولجل الحظ و الأقدرار

صرت أنت فلسطيني الموطن

و لقيتني أنا وحدي في مصر

لكننا إخوات في الأصل

مصدق و لا لساك شاكك

طيب اسمع يا ابن الناس

أبويا .. أبوك

و أمك .. أمي

عدوي .. عدوك

و همك .. همي

أبويا و أبوك

أسمه كرامه و عزة نفس

لكنه خلاص مات من أزمان

و أمي و أمك هيه الأرض

اللي اغتصبوها في كل مكان

و عدونا واحد معروف

ندل خسيس و حقود و جبان

أما حياتنا فكلها هم

حاجة تطير عقل الأعقل

حاجة تخلي الحل الأمثل

للي بيحصل

حبه جنان

ها ؟ إيه رأيك؟

لساك عاوز إثبات تاني

إن أنا و انت اخوات بصحيح؟

لا لا لا ...

كفاياك تجريح

و لا أقولك؟

أنا حتى لو أثبتّ لك

إننا فعلا احنا اخوات

إيه راح تعمل

لجل ما تجعل

صلة الحب ما بينا تزيد؟

لو يوم مثلا

شوفتني بغرق

ممكن فعلا

الاقيك جوه البحر معايا

بتاخد أيدي و بتنقذني؟

ولا هتكتفي انك تصرخ و أنت بعيد !

و هل لو كنت أنا بردوه مكانك

أيه راح يحصل؟

كنت هسيبك و اجري أكيد!

يمكن خوف؟

خوف من أيه؟ أو خوف على مين؟

يمكن جهل؟

جهل بأيه؟ أو جهل بمين؟

يمكن فطرة ربنا فيه إني أناني؟

ما أنت كمان مثلي يا مسكين

و ده أفضل إثبات لكلامي

أنت أناني و أنا أناني

يعني أنا و أنت طبْعنا واحد

يعني أنا و أنت أكيد اخوات

لساك بدك من إثبات؟!


داليا زيادة