Wednesday, October 25, 2006

شباب شايف أحدث قصائد داليا زيادة



في السطور التالية سوف تقرأون أحدث قصيدة من تأليفي, و هي عن الشباب المصري و معاناته لتحقيق أحلامه البسيطة, قد تجدونها مفعمة باليأس لكنها فقط مجرد رصد لواقع كبلنا بالقيود فحولنا من شباب إلى عجزة و نحن ما زلنا نبحث عن الحلم

خلاص , كفاية كده كلام كبير علشان القصيدة باللهجة العامية المصرية

شباب شايف

و مش عارف

طريقه منين

شباب نفسه

يكلم حد

و مش عارف

يكلم مين

شباب مسكين

شباب سامع

كلام الناس

و مش ساكت

لكنه بس

مش لاقي

حبيب يفهم معاناته

و نفسه يلقى

في الكون حد

يداوي مر آهاته

و كل الناس بتنسانا

و تنسى إن جوانا

حنين من لحظة التكوين

لأن نكون صحيح في الكون

بني أدمين

لأن نكون شباب قادرين

نغير جزء م الحدوتة

نقص الصورة م الجنبين

على هيئة شعاع من نور

و نص لقلب مستني

قلوب تانيين

ونلغى كلمة الزنازين

و نزرع في مكانها

بيوت لكل أتنين

جمع بينهم في يوم الحب

ووسط الدنيا بيكافحوا

و مش لاقيين

شباب احنا صحيح لكن

هموم الدنيا قتلتنا

وطار مع الهوا رفاتنا

و مسحت كل معالمنا

و توهنا في الطريق

و أتارينا

طول الوقت وحدينا

شباب عايز و مش قادرين

شباب شايف و مش عارفين

شباب تايه

شباب مسكين


داليا زيادة
 Posted by Picasa