لو أنك أمامي الأن يا وليد لرأيتني أصفق لك حتى أحمرت كفايا , و لا أجد عندي كلام غير أحسنت يا أستاذ, أيوه كده ورينا بقى وليد لما هيكتب هيعمل أيه
كـــــــــــان يـــــا مــــــكان
بقلم / وليد راشد
كان يامكان ياسعد ياكرام ولا يحلى الكلام إلا بذكر النبي علية الصلاة والسلام.......ء
كان في زمان أرض قبل الزمان وجة رمسيس وخوفو وولادهم كمان وغيرهم كتير وعمروها وغيروها وكل ده قبل الزمان والميلاد والأرض الصفرا بقت أكبر حضارة في التاريخ وسموها (أم الدنيا) لأنها كانت قبل كل الدنيا
وتفوت سنين وسنين وتشيلي بلاد على بلاد.......ء
لحد ما حكمها ناس من غير أصلها وكان البلد اللي سموها أم الدنيا بتسرقها عيلة واحده سموها (العيلة المالكه) بس الناس كانوا عايشين..مش ميتين...بالذل راضيين قانعين....وبعد ما كانت السرقه من العيلة المالكة وبس حكمها حكام تانيين...اة غير الاولانيين النصابين ....بس حرامية تانيين....بس السرقه بقت من عصابة
دا أنا لسة بقول عيلة واحده ...لاء بقت عصابة....لاء بجد خسارة
بس الناس أهلها برده كانوا ساكتين وصابرين وعلى بكرة مستنيين...........ء
والكلام بقى كلة كااااااااااااااااااااان
كانت البلد ام الدنيا وقبل الدنيا وسبقتها كل الدنيا....وكانت حضارة وشطارة...وقبلة ومنارة
ويتقلب حال ويتعدل حال ونطلع من حرب لحرب ومن أزمة لزلزال
وفجأة يحكمنا بسلامته....بس أنا ما أخترتش بسلامته.....طيب أنت أخترته؟
مش من حقي ياربي أختار بسلامته اللي هيحكمني؟....طب نفسي أحبة ويؤمرني
نفسي أقول لولادي شفت غيره...لكن من يوم ما خرجت للدنيا والله ولا شفت غيره
ياربي مش طايق بقى!!!دا الفساد بقى ظاهره!!!!وحلوة كلمت ظاهره
كل مصيبه يقولك مش ظاهره...غرق عبارة ونموت يبقى مش ظاهره...أنفلونزا طيور ونموت يبقى مش ظاهره..نتحرق في مسرح يبقى مش ظاهره حتى نتبرع بالدم ونموت يبقى برده مش ظاهره
ياربي لية سؤال ويمكن يكون مش ظاهرة...........ء
مرة سمومني من المبيدات وكان وراها واحد من الحزب الوطني....وفي العبارة رموني وكان وراها واحد من الحزب الوطني...ومره اشتروا وباعوا في أرضي في شرق السويس وكان وراها واحد من الحزب الوطني
وكل مصيبة وراها الحزب الوطني...مش برده دي مش ظاهره...أكيد صدفه وانا ظالمهم
طيب الاكل والشرب لوثوة وسرطنوه....كمان الدوا والدم أستخسروه؟؟؟؟؟
وقابلت عرافة الطريق أسالها عن حالنا ومستقبلنا وأقولتها زي ما قال صاحبي حسن عمران قال
يا كاشفه الغيب والبخت في الفنجان شفيلي الطالع
طريقي كله حفر وسدود وحواجز وشكلي مش طالع
قالتلي العرافه قدامك سكة سفر وتعبر وتطالع
وأول كيلو متر سقط في الحفر وقالوا مات ومش طالع
ومسكت أيدي وقالتلي مين كانت نسيم في العلالي وبياعين للفل؟....دا نهارك مقندل وصباحك ضباب....ء
وهقولك وأكشفلك وكل شئ بالحساب ...دا يومك مليان تعديل للتظبيط وشخابيط للتوريث....ء
لكن لو أنتفضتم ونطقتم..ومن نومكم فوقتم...يمكن يكون وقف للنزيف
واااااااااااااااااااااااااااة يامصر روحي وجعاني ودموعي خنقاني وأعصابي حرقاني.....ء
مش عارف أهرب من حبك ولا أستغنى عن حضنك...ما تشدي حيلك يابلدي معايه!!!ولا.إنتي بتسبيني؟؟ وليهم بتبعيني!!!!؟؟؟؟؟؟؟؟؟؟؟
أية ده ...خيراللهم اجعله خير أنا بيني كنت بحلم ولا أيه؟؟...ما ألحق أقوم وأكتب المقال الجديد وأبعته لداليا زياده
وتوته توته فرغت الحدوته
----------------------------------------------------------------------------
لقرأة مقالات سابقة من وليد راشد أضغط الروابط التالية