Monday, July 30, 2007

كل ما نتفرّق - قصيدة من داليا زيادة





كل ما نتفرق

داليا زيادة

ليه كل ما نتجمّع نفترق تاني؟

و كل ما نتفرّق يجمعنا الأمل؟

عاشق لهاجر ف الهوى رماني

جرح لي قلبي بحلم لم يكتمل

وحده غريب و أنا زيه وحداني

العمر بيعدي و لقانا مش محتمل

نفسي يعود الحب لقلب بيعاني

عايش غرام الناس قالوا عليه أنقتل

قبلك و كنت لوحدي هايم في حرماني

و لقيتك أنت عرفت معنى الوجود و الأمل

تحرمني ليه يا حبي من جنتك تاني

بعد الفؤاد ما حبّك و الفكر بيك أنشغل

شايفك ملاك و الناس بيقولوا أنت أناني

شايفك خضار و الناس بيقولوا صحرا و جبل

هتسيبني يا عمري لتوهة واخداني

و لا هترجع تاني .. ترُد فيّا الأمل؟